HARAWIS ACTUALES

Kuyay wasillay, sumaq llaqtallay
Maypin kaspaypas kutimusaqmi
urqukunata maskayniyta yuyaymanastin.

Ichu chukllayman chayaykuspaycha
kuyay mamaywan tupaykuchkasaq,
llumpaq makinta muchaykuspay
ñanwillantapas qawaykuchkasaq.

Yuyay taytaywan, wawquiykunawan
chaky takllatach uqarichkasaq,
sullkaykunaman, wakchamasikiman
tachakusqaytach aypurichkasaq.
ABILIO SOTO YUPANQUI

Qumir rapi, puka sisa

suni tullu, sumaq Wayta,

wayrapa churin, urqupa wawan,

ñan puriqpa pallarinan

para puyupa sullarin.

Qam hinam sapay kani,

llantuy kiwan mayturiway

ancha stisqam purimuni;

mikuchiway ruruykita

kawsachiway wiqikiwan

icharaqpas hataryman

karum rinay, urqun, qasan

ucharaqpas chayarurman.

EDILBERTO LARA IRALA

Ripukusaqmi
markas pata ñanchallay
mutuypa kacharparisqan,
qunturpa waqasqan
suni, llañu pampa hawaykita.
ripukusaq, markaschallay
punchawkuna, watakuna hina
mana kutimuyniyuq.
PORFIRIO MENESES LAZÓN