Saqra michikunaq asanblyamanta
(Versión quechua)
(Versión quechua)
(Haz click en el segundo link para escuchar el texto)
Allin kuska tutatas, laqha tutatañas, chay fuira de la ura nisqankutas; saqra michikuna chupan sayarisqa willanakuq rinku lluy lawmanta, hatun asanbliyaman, huñunakuyman. Chaysi,
llapanku chayaqtinku, huk machu michi tapuyta qallarin sapanka michikunata:
- Awir yaw Bernakucha, imatan qan ruwamuranki ch'isiyaq?
-Ñoqaqa, marsuy, wayk'usqanku mankamanmi hisp'ayuni- nispas nin huk saqra michiqa.
- Allin, wayqey, kusa- nispas llapan michikunaqa kusisqa t'aqllaykunku.
-Qanri, yaw Yana guitarra? -nispas tapun hukta
-Ñoqaqa, marsuy, huk qholla wawachaq uma pukyuchantan soqsoyamuni llapanta! -nispas willakun huk saqraqa.
-Qanri, niñu Miguilitu? -nispas tapullantaq huktapas.
-Ñoqaqa, !uyariychis llapaykichis! Paya duyñuytan chupaywan seq'omuni- nispataqsi willakun kay saqraqa.
-Qanri, Ñuñu puchu?
-Ñoqaqa, marsuy, huk uwijatan chichuyachimuni, ichapas iskay umayoq uñan lloqsinanpaq- nispas nin kay michiqa.
Hinapis, saqra michikunaq asanbliyanqa tukupun pacha illariyta, manaraq inti lloqsimushaqtin. Chaysi, sapanqa michi kutipun "Minchha kama, minchha kama, wayqey" nispa.
Recopilación y narración: Odi Gonzales
(Puedes clickear en el título para ver la versión original)
No hay comentarios.:
Publicar un comentario